समुदायको आर्थिक समुन्नति, समतामुलक विपन्न वर्गको समउत्थानको दायित्व वोधसहित भेदभाव रहित समानुपातिक व्यवहारको आदर्श भावलाई आत्मसात गर्दे स्थानिय स्तरमा छरिएर रहेको थोपा थोपा पँुजिलाई संकलन गरी स्थानिय क्षेत्रमा नै परिचालन गरी संस्थामा आवद्व प्रत्येक सदस्यहरुको आर्थिक सामाजिक सांस्कृतिक र व्यावसायिक स्तर उकास्ने अठोटका साथ ऐतिहासिक एकिकरण पछिका छ वर्ष पुरा गरी हामी सातौँ वार्षिक साधारण सभा सम्पन्न गरेकाछौँ । संस्थागत रुपमा आपसी सद्भाव, अहम र आधारभुत पक्षका रुपमा अवलम्वन गर्दे समुदायमा आधारित रहेर सेवा प्रदान गर्दै संस्था सञ्चालन भै आएको छ।

सिकोको क्रियाकलापप्रति आम चासो बृद्वि हुनुले पनि संस्था एकीकरणको सकारात्मक सन्देश प्रवाह भएको महशुस भएको छ । सिको बचत तथा ऋण सहकारी संस्थाको स्थापना र यसका उत्पादित सेवाहरुलाई संस्थागत विकासका साथै यसको कार्यक्षेत्र भित्र बसोबास गर्ने समुदायको पनि उन्नति र प्रगति हुँदै गएको कुरा हामी सबैलाई अनुभुति भएकै कुरा हो । संस्थाले उत्पादन गरेको वित्तिय सेवाबाट विशेषत ग्रामिण क्षेत्रममा बसोबास गर्ने, आवशयक परेको बेला साहु महाजन कहाँ धाउन नपर्ने र चर्को व्याज तिर्नुपर्ने अवस्थालाई विस्थापित गर्न र अन्य वित्तिय क्षेत्रमा पहुँच नभएका आम सदस्यहरुलाई सरल र सहज रुपमा यो संस्थाले सेवा प्रदान गर्दै आइरहेको व्यहोरा जानकारी गराउँदै यो संस्था हाम्रो पौरख र हाम्रो गौरवको रुपमा स्थापित भएको छ भन्ने कुरा पनि स्मरण गराउन चाहन्छु ।